Yeni Azərbaycan Partiyasının yaranmasının 25 illik yubileyi münasibətilə Kürdəmirdə silsilə tədbirlər davam edir
Yeni Azərbaycan Partiyasının yaranmasının 25 illik yubileyi münasibətilə partiyanın Kürdəmir rayon təşkilatı silsilə tədbirlər keçirməkdə davam edir. Bu məqsədlə 10 noyabr 2017-ci il tarixdə YAP Kürdəmir rayon təşkilatının qərargahında rayon təşkilatının Gənclər Birliyi “Yeni Azərbaycan Partiyası müstəqil dövlətimizi xoşbəxt gələcəyə aparmaqdadır” mövzusunda dəyirmi masa keçirmişdir.
Öncə dəyirmi masa iştirakçıları rayon təşkilatının qərargahında yerləşən Ulu Öndər Heydər Əliyevin büstü önünə gül-çiçək dəstələri düzüblər.
Dəyirmi masada Yeni Azərbaycan Partiyası Kürdəmir rayon təşkilatının sədri Ağali Kərimli, Gənclər Birliyinin Şura üzvləri, fəal gənclər iştirak ediblər.
Tədbiri YAP Kürdəmir rayon təşkilatı aparatının baş məsləhətçisi,rayon təşkilatının şura üzvü Məhəmməd Heydərli açaraq tədbir iştirakçılarını partiyanın yaranmasının 25 illik yubileyi münasibətilə təbrik edərək məruzə ilə çıxış etmişdir. Məhəmməd Heydərli məruzəsində bildirib ki, ciddi sınaqlardan üzüağ çıxmış Yeni Azərbaycan Partiyası 25 il ərzində təşəkkül tapıb, inkişaf edib, möhkəmlənib, ildən-ilə öz sıralarını genişləndirərək xalqın partiyasına çevrilib. Yeni Azərbaycan Partiyasının yaranması, keçdiyi zəngin və şərəfli tarixə nəzər salan Məhəmməd Heydərli bildirib ki, YAP 25 il ərzində çətin və şərəfli yollardan keçərək, bu gün Azərbaycanın ən güclü partiyası kimi formalaşıb. YAP ölkədə keçirilən bütün siyasi kampaniyalarda qələbə qazanır. Ümummilli Lider Heydər Əliyevin 25 il öncə uzaqgörənliklə qeyd etdiyi kimi, Yeni Azərbaycan Partiyası dünənin, bu günün və gələcəyin partiyasıdır. Azərbaycan gəncliyinin alternativsiz lideri cənab İlham Əliyevin sədri olduğu Yeni Azərbaycan Partiyası gənclərimizin qarşısında xalqımıza, dövlətimizə, ölkəmizə sədaqətlə xidmət etmək, həyatda fəal olmaq və Azərbaycanın dövlət müstəqilliyinin qorunub saxlanılmasında yaxından iştirak etmək kimi önəmli vəzifələr qoyur.
Çıxışçılardan Heydər Əliyev Mərkəzinin elmi işçisi Xəyyam Məlikov, şəhər 1 saylı tam orta məktəbin müəllimi Günel Cəfərova, , fəal gənc Rauf Abuşov qədirbilən Azərbaycan xalqının Ulu Öndər Heydər Əliyev siyasi kursunu ölkənin davamlı inkişafının, bundan sonrakı uğurlarının, təminatlı gələcəyinin mühüm şərti olaraq dəyərləndirdiklərini, dövlətimizin başçısının qeyd etdiyi kimi, hər bir partiya üzvünün dahi rəhbərin ali ideallarını, müqəddəs arzularını gerçəkləşdirmək üçün əllərindən gələni etməli, dövlətçiliyimizin inkişafına və tərəqqisinə daim xidmət göstərməli olduqlarını bildiriblər.
Sonda Yeni Azərbaycan Partiyası Kürdəmir rayon təşkilatının sədri Ağali Kərimli bildirib ki, Heydər Əliyev öz siyasi dühası ilə Azərbaycanın müasir simasını müəyyənləşdirmiş və xalqımızın taleyində silinməz izlər qoymuşdur. Bu izlərdən biri də Yeni Azərbaycan Partiyasıdır. Ağali Kərimli xalqımızın Ümummilli Lideri Heydər Əliyevin ideyalarını, uğurlu daxili və xarici siyasətini inamla davam etdirən möhtərəm Prezidentimiz,Yeni Azərbaycan Partiyasının Sədri cənab İlham Əliyevin əzmkar fəaliyyətinin Azərbaycanın onilliklərə bərabər inanılmaz bir inkişaf yolu keçməsini təmin etməklə yanaşı, günü-gündən sıraları durmadan genişlənən Yeni Azərbaycan Partiyasının cəmiyyətdəki alternativsiz qüvvə statusunu möhkəmləndirdiyini vurğulayaraq, onun güclü siyasi partiya kimi özünü təsdiqləməsini dövlətimizin başçısının yüksək liderlik keyfiyyətləri, böyük səriştəsi və zəngin təcrübəsi ilə şərtləndiyini söylədi.
