Kürdəmir Rayon İcra Hakimiyyətinin əməkdaşına “Tərəqqi” medalı təqdim olunub

Avqustun 16-da Rayon İcra Hakimiyyətinin akt zalında Kürdəmir Rayon İcra Hakimiyyətinin Başçısı Ceyhun Cəfərov tərəfindən Azərbaycan Respublikasının Prezidenti İlham Əliyev cənablarının 22 iyun 2016-cı il tarixli Sərəncamı ilə dövlət qulluğunda səmərəli və uzunmüddətli fəaliyyətinə görə  təltif olunan Rayon İcra Hakimiyyəti Başçısı Aparatının baş məsləhətçisi Tarverdiyev Rafiq Abdun oğluna “Tərəqqi” medalı təqdim olunub. 
Tədbirdə Rayon İcra Hakimiyyətinin Başçısı Ceyhun Cəfərov çıxış edərək Ulu Öndər Heydər Əliyev Azərbaycan tarixinə təkcə böyük siyasət adamı və görkəmli dövlət xadimi kimi deyil, eyni zamanda, müasir Azərbaycan dövlətinin qurucusu və bir nömrəli dövlət qulluqçusu kimi daxil olduğunu  vurğuladı. Ümummilli Liderin dövlət qulluğu sahəsində apardığı siyasətin bu gün Ölkə Prezidenti cənab İlham Əliyev tərəfindən uğurla davam etdirildiyini diqqətə çatdıraraq Azərbaycanda yüksək intellektə malik insan kapitalının formalaşması istiqamətində gördüyü tədbirlərdən danışdı.
Sonda Rafiq Tarverdiyev sevincini tədbir iştirakçıları ilə bölüşərək  göstərilən diqqət və qayğıya görə Ölkə Prezidenti İlham Əliyev cənablarına və rayon rəhbərliyinə öz dərin minnətdarlıqını bildirdi.