Kürdəmirdə Əməkdar hüquqşünas İkram Kərimovla görüş keçirilib
12 fevral 2024 | 12:35
Kürdəmirdə əməkdar hüquqşünas, Azərbaycan Respublikasının Bank Ombudsmanı, "Tərəqqi" medallı, "Şöhrət" ordenli İkram Kərimov ilə hüquq ixtisasına hazırlaşan şagirdlərlə görüş keçirilib. Regional səviyyədə baş tutan görüşdə rayonun icra başçısı Elxan İbrahimov, Mərkəzi Aran Regional Təhsil İdarəsinin müdiri Elçin Kərimov, rayonun hüquq-mühafizə orqanlarının rəhbərləri, rayonun fəal gəncləri, İctimai televiziyada yayımlanan “İstintaq davam edir” verilişinin aparıcısı, Vətən müharibəsi iştirakçısı İlham Tumas, həmçinin şagirdlər iştirak ediblər. Şəhidlərimizin bir dəqiqəlik sükutla yad edildiyi görüşdə çıxışlar dinlənilib. Tədbirdə İkram Kərimov öz həyat yolu barəsində məlumat verib, iştirakçıların çoxsaylı suallarını cavablandırıb.
Keçidlər
