Ultramarafon Kürdəmirdə
Mayın 6-da Ümummilli Lider Heydər Əliyevin xatirəsinə həsr olunmuş "Bakı-Tbilisi Ultra Marafonu"nun iştirakçısı Yadigar Hüseynov Kürdəmirdə təntənəli şəkildə qarşılanıb.
Rayonun Bayraq Meydanında təşkil olunan qarşılanma mərasimində Kürdəmir Rayon İcra Hakimiyyətinin məsul işçiləri, YAP Kürdəmir rayon təşkilatının fəal üzvləri, rayon ictimaiyyətinin nümayəndələri və gənclər iştirak ediblər.
Ultra Marafonu"nun iştirakçısı Yadigar Hüseynov göstərilən diqqət və xoş qarşılanmaya görə tədbir iştirakçılarına və rayon rəhbərliyinə minnətdarlığını bildirib. Sonda xatirə şəkili çəkdirilib.
"Regional İnkişaf" İctimai Birliyinin dəstəyi ilə Ümummilli Lider Heydər Əliyevin xatirəsinə həsr olunmuş "Bakı-Tbilisi Ultra Marafonu" həvəskar marafonçu Yadigar Hüseynovun iştirakı ilə keçirilir. Ultramarafonda 5-10 may tarixlərində ümumilikdə 544 km yol qət olunacaq. Dövlət Bayrağı Meydanından start götürən marafon Gürcüstanın Tbilisi şəhərində Heydər Əliyev parkında başa çatacaq.
.JPG)
