Ölkə Prezidentinin əhalinin məşğulluğu, əmək, sosial müdafiə və təminat sahələrində verdiyi tapşırıqlar Kürdəmir rayonunda da uğurla icra edilir
Ölkə başçısının uğurla həyata keçirdiyi məqsədyönlü işlərdən biri də vətəndaşların rifah halının yaxşılaşdırılması istiqamətində atdığı uğurlu addımlardır. Respublika Prezidenti Cənab İlham Əlievin tapşırığına əsasən bölgələrdə əhalinin məşğulluğunun artırılması məqsədilə yaradılmış müvəqqəti iş yerləri də bu istiqamətdə görülən işlərin ən bariz nümunəsdir. Təqdirəlayiq haldır ki, Kürdəmirdə yaşayan rayon sakinləri də dövlət başçısının onlar üçün yaratmış olduğu imkanlardan bəhrələnə bilirlər. Ötən illərdə olduğu kimi, bu il də rayon sakinləri müvəqqəti iş yerləri ilə təmin olunurlar. Belə ki, DOST İş Mərkəzi tərəfindən 2019-cu ildə 355 iş yeri açılmış, yanvar ayının 21-dən DOST İş Mərkəzi tərəfindən 325 vakant iş yeri təqdim olunmuş, Məşğulluq Mərkəzi vasitəsi ilə bu yerlərə 325 nəfər işə götürülmüşdür. Bunlardan 245 sosial işçi rayon Kommunal Müəssisəsələri Kombnatına, 49 nəfəri rayon Mənzil İstismar Sahəsinə, 31 nəfəri isə rayon Yaşıllaşdırma idarəsinə təhkim edilmişlər. Təhkim edilənlərin hamısı DOST İş Mərkəzi tərəfindən hər bir işçinin adına plastik ödəniş kartları sifariş edilmiş, Kapital Bankın rayon filialı tərəfindən işçilər plastik ödəniş kartları ilə təmin olunmuşlar. İşçilərin əmək haqqı tabelləri işlədikləri müəssisələrin təqdim etdikləri işə davamiyyət cədvəlləri əsasında DOST İş Mərkəzi tərəfindən hər bir işçinin adına olan bank hesabına köçürülür və ödəniş bankomat vasitəsi ilə aparılır.
Əlavə olaraq DOST İş Mərkəzi tərəfindən 30 vakant iş yeri təqdim olmuş və bununla əlaqədar vətəndaşlarla bağlanmış müqavilələr təsdiq olunması üçün DOST İş Mərkəzinə göndərilmişdir. Əhalinin məşğuuluğunun təmin edilməsi məqsədi ilə SOCAR tərəfindən rayon Qaz İstismarı Sahəsi üzrə 11 bərpa, 55 vakant iş yeri çıxarılmışdır. Çıxarılan iş yerlərinə rayon Məşğulluq Mərkəzi vasitəsi ilə işçilərə göndərişlər verilərək Ağsu Regional Qaz İstismarı idarəsinə göndərilmiş, onlar Kürdəmir Qaz İstismarı Sahəsində işlə təmin olunmuşlar.
“Azərişıq” ASC tərəfindən Kürdəmir rayonu üzrə 35 vakant iş yeri təqdim olunmuş və bu iş yerlərində işləmək istəyən vətəndaşlar rayon Məşçğulluq Mərkəzində qeydiyyata alınmışlar. “Şirvan” Regional Enerji idarəsi tərəfindən rayon Məşğulluq Mərkəzinə 8, əlavə olaraq 35 vakant iş yeri təqdim edilmişdir.
Kürdəmir rayonunda əhalinin məşğulluğunun artırılması məqsədi ilə yaradılmış müvəqqəti iş yerlərinə işçi qəbulu,əmək haqlarının ödənişi qaydalarının icrası və ümumilikdə neqativ hallara yol verilməməsi məqsədi ilə rayon İcra Hakimiyyəti Başçısının sərəncamına əsasən komissiya yaradılmışdır.
