Azərbaycanlıların Soyqırımı Günü Kürdəmirdə qeyd edilib

Martın 29-da rayonun  Heydər  Əliyev  Mərkəzində  “31 mart-Azərbaycanlıların Soyqırımı Günü” ilə bağlı dəyirmi masa keçirilib.
Tədbirdə  Kürdəmir  Rayon  İcra  Hakimiyyəti  Başçısının  müavini  Vəsilə Əsgərli, rayonun idarə, müəssisə və  xidmət təşkilatlarının rəhbərləri, rayon ziyalıları, rayon ictimaiyyətinin nümayəndələri iştirak ediblər.
Əvvəlcə tədbir  iştirakçıları mərkəzin foyesində təşkil olunmuş azərbaycanlıların soyqırımını özündə əks etdirən kitab, foto və əl işlərindən ibarət sərgi ilə tanış olublar. Mərasim  iştirakçıları 31  mart  soyqırımı  hadisələrində  və  vətənimizin  ərazi bütövlüyü   uğrunda   döyüşlərdə   həlak  olmuş   şəhidlərimizin  əziz  xatirəsini  bir dəqiqəlik sükutla yad ediblər.
Sonra  1918-ci il soyqrım hadisələrinə həsr olunmuş “Tarixin görünən və görünməyən üzü”  adlı sənədli filmi nümayiş etdirilib.
Tədbirdə “Azərbaycanlıların soyqırımının mahiyyəti və tarixi kökləri” mövzusunda Xırdapay kənd tam orta məktəbinin drektoru İnqilab Rəsulov, “ 31 mart - Tarixin qanla yazılan yaddaşı” mövzusunda   şəhər 6 saylı tam orta məktəbin tarix müəllimi Elnurə Eminbəyli, “Kürdəmir soyqırım illərində” mövzusunda Kürdəmir peşə liseyinin müəllimi Ağaməhəmməd Hacıyev, “Azərbaycanlıların soyqırımının təbliğ edilməsi və gələcək nəsillərə çatdırılması hər bir azərbaycanlının vətəndaşlıq borcudur” mövzusunda Kürdəmir Mərkəzi Kitabxanalar Sisteminin drektoru İradə Mahmudova məruzələrlə çıxış edərək Ulu Öndər Heydər Əliyevin ali hakimiyyətə  qayıdışından   sonra  erməni   millətçilərinin  iki əsr ərzində xalqımıza qarşı  törətdikləri  vəhşiliklərə  obyektiv  hüquqi-siyasi  qiymətin verilməsindən,  1998-ci ilin  martın 26-da imzaladığı  fərmanla  31 martı Azərbaycanlıların  Soyqırımı  Günü  elan  etməklə   Ümummilli Liderin  tarixi ədaləti bərpa etməsindən ətraflı danışdılar.
Tədbirdə çıxış edən Kürdəmir Rayon İcra Hakimiyyətinin müavini Vəsilə Əsgərli Azərbaycanın XIX-XX əsrlərdə baş verən bütün faciələri torpaqlarının zəbti ilə müşayiət olunaraq, ermənilərin azərbaycanlılara qarşı düşünülmüş, planlı surətdə həyata keçirdiyi soyqırımı siyasətinin ayrı-ayrı mərhələlərini təşkil etmişdir. Bu hadisələrin yalnız birinə - 1918-ci il mart qırğınına siyasi qiymət vermək cəhdi göstərilmişdir. Lakin Azərbaycan Xalq Cümhuriyyətinin süqutu bu işin başa çatmasına imkan vermədi.Amma zaman keçdi, haqq-ədalət öz yerini aldı. Xalqın təkidli tələbi ilə 1993-cü ildə yenidən hakimiyyətə qayıdan Heydər Əliyev tərəfindən ermənilərin azərbaycanlılara qarşı törətdikləri soyqırım hadisəsinə siyasi qiymət verildi. Belə ki, 1998-ci il 26 mart tarixində Ulu Öndərin imzaladığı fərmana əsasən “31 mart azərbaycanlıların soyqırımı günü” kimi qeyd edilməyə başlandı.Hal-hazırda dünyanın bir çox tərəqqipərvər ölkələrində, hətta ABŞ-nın bir neçə ştatında “31 mart azərbaycanlıların soyqırımı günü” kimi qəbul edilib. Bütün bunlar isə Ulu Öndərin layiqli davamçısı, çox hörmətli Prezidentimiz İlham Əliyev cənablarının yeritdiyi düzgün, düşünülmüş daxili və xarici siyasətin nəticəsidir. Bu işin bir daha dünya dövlətlərinə və xalqlarına çatdırılmasında Azərbaycan Respublikasının Birinci vitse-prezidenti Mehriban xanım Əliyevanın xidmətləri təqdirəlayiqdir.