Kürdəmirdə Ulu Öndər Heydər Əliyevin əziz xatirəsi ehtiramla yad edilib

Ümummilli Lider Heydər Əliyevin Anım Günü Kürdəmir rayonunda da qeyd edilib. Kürdəmir  Rayon  İcra Hakimiyyətinin Başçısı Ceyhun Cəfərov, rayonun hüquq-mühafizə orqanlarının, idarə , müəssisə və  təşkilatlarının rəhbərləri, ağsaqqallar və ziyalılar,  veteranlar, gənclər, rayonun əmək kollektivlərinin üzvləri,  ictimaiyyət nümayəndələri və rayon sakinləri səhər saatlarından Heydər Əliyev parkına  gələrək  Ulu Öndərin xatirəsinə ucaldılan abidəsi önünə gül dəstələri düzüblər.
Sonra rayonun  Heydər Əliyev Mərkəzində Ulu Öndər Heydər Əliyevin anım gününə həsr olunan “Dahi Şəxsiyyət” adlı dəyirmi  masa  təşkil edilib.
Tədbir “Dahi şəxsiyyət-Heydər Əliyev” filminin nümayiş etdirilməsi ilə başlayıb.
Dəyirmi masada “Heydər Əliyev və Yeni Azərbaycan Partiyası” mövzusunda Yeni Azərbaycan Partiyasının Kürdəmir rayon təşkilatının sədri Ağali Kərimli,  “Heydər Əliyev və Azərbaycan”  mövzusunda şəhər 6 saylı tam orta məktəbin direktoru Elmira Şıxaliyeva, “Xalqına bağlanan ömür” mövzusunda Yeni Azərbaycan Partiyasının Kürdəmir rayon  təşkilatının  Qadınlar Şurasının  sədri Sevda Sadıqova çıxış edərək Ulu Öndər Heydər Əliyevin xilaskarlıq missiyası, müstəqil Azərbaycanın quruculuğu yolundakı şərəfli mübarizəsi, bütün dünya tərəfindən  qəbul  edilən  böyük  siyasətçi və liderlik titulları barədə geniş fikirlər  söyləyiblər.
Tədbirdə çıxış edən Rayon İcra Hakimiyyətinin Başçısı Ceyhun Cəfərov bildirib ki, müstəqil Azərbaycan Respublikasının banisi, Ümummilli Liderimiz  Heydər Əliyevin vəfatından 15 il ötür. Tarixi şəxsiyyət olan Ulu Öndərimiz bütün həyatını dövlətçiliyimiz, xalqımızın bu günü və gələcəyi naminə həsr edərək güclü, sarsılmaz, qüdrətli bir dövləti-Azərbaycanı bizə bəxş etdi. Heydər Əliyevin ölməz, əbədi xatirəsini xalqımız hər an yad edir və xatırlayır. Ulu Öndər Heydər Əliyevin  yenilməz siyasi iradə nümayiş etdirdirərək milli dövlətçiliyin, milli mənafelərin ifadəçisi kimi çıxış edərək öz güclü qolları, düşünülmüş  siyasi  addımları ilə  qoruduğu, inkişaf  etdirdiyi və qüdrətli, sarsılmaz  bir dövlətə çevirdiyi müstəqil Azərbaycanı bu gün Ümummilli Liderimizin  layiqli siyasi varisi , ölkə  rəhbəri  cənab  İlham Əliyev daha da inkişaf etdirərək möhkəmləndirməkdədir.