Kürdəmirdə məktəblilər arasına inşa yazı müsabiqəsi keçirilib
Kürdəmir rayonunda məktəblilər arasında “Azərbaycan Xalq Cümhuryyətinin 100 illik yubileyinə” həsr olunan “Bir kərə yüksələn bayraq bir daha enməz” mövzusunda inşa yazı müsabiqəsi keçirilib. Gənclər evində keçirilən inşa yazı müsabiqəsində rayonun ümümtəhsil məktəblərinin VIII-XI sinif şagirdləri iştirak ediblər.
Müsabiqədə 50 nəfər məktəbli iştirak edib. Münsiflər tərəfindən yoxlanılan inşa yazılarının nəticələrinə görə şəhər 1 saylı tam orta məktəbinin şagirdi Quliyeva Nərmin I yerə, şəhər 3 saylı tam orta məktəbin şagirdi Sirəliyeva Dəniz II yerə, Köhnəbazar kənd tam orta məktəbin şagirdi Umudova Güləndam və şəhər 4 saylı tam orta məktəbinin şagirdi Əzizova Fidan III yerə layiq görülüblər.
Müsabiqənin qalibləri Kürdəmir rayon Gənclər İdarəsi tərəfindən diplom və hədiyyələrlə mükafatlandırılıb.
