Kürdəmirdə idmanın futbol növü üzrə məhəllə komandaları arasında rayon turniri keçirilib
Kürdəmir rayon Gənclər və İdman İdarəsinin təşkilatçılğı ilə 10-16 iyun tarixlərində Kürdəmir İdman Olimpiya Kompleksində 15 iyun-Milli Qurtuluş Gününə həsr olunan idmanın futbol növü üzrə məhəllə komandaları arasında rayon turniri keçirilib.
Yarış 8 məhəllə futbol komandasının iştirakı ilə Beynalxalq Futbol Federasiyasının müəyyən etdiyi qaydalara əsasən keçirilib.
Final oyununda iştirak edən Kürdəmir rayon Gənclər və İdman İdarəsinin rəisi Süleyman Əhmədov final işitirakçılarını bayram münasibətilə təbrik etdi, respublikamızda və rayonumuzda idmanda və digər sahələrdə olan inkişafdan və nailiyyətlərdən söz açdı. Bu nailiyyətlərin təməli Ulu Öndər Heydər Əliyev tərəfindən qoyulduğunu və möhtərəm Prezidentimiz cənab İlham Əliyev tərəfindən uğurla davam etdirildiyini vurğuladı.
Turnirdə keçirilən oyunların nəticələrinə görə I yeri “Neftçi” məhəllə futbol komandası, II yeri “Qarabağ” məhəllə futbol komandası, III yerə isə “İnter” məhəllə futbol komandası qazandılar.
Yarışda qalib gələn komandalara və fərqlənən idmançılara Kürdəmir rayon Gənclər və İdman İdarəsi tərəfindən diplom və medallar təqdim edildi.
