Kürdəmirdə Yeni Azərbaycan Partiyasının yaranmasının 21-ci ildönümünə həsr olunmuş tədbir keçirildi.
Yeni Azərbaycan Partiyasının yaranmasının 21-ci ildönümü münasibətilə noyabrın 20-də Kürdəmir rayon təşkilatı tədbir keçirmişdir.
Tədbirdə YAP rayon təşkilatının idarə heyəti və şura üzvləri, ərazi ilk partiya təşkilat sədrləri, partiya fəalları, ictimaiyyətin nümayəndələri iştirak etmişlər.
Tədbirdə Kürdəmir rayon İcra Hakimiyyətinin Başçısı İrşad Əliyev, Milli Məclisin deputatı Fərhad Qəribov iştirak etmişlər. Tədbir iştirakçıları əvvəlcə Heydər Əliyev parkına gələrək Ümummilli Lider Heydər Əliyevin abidəsini ziyarət etmiş, abidənin önünə gül dəstələri qoyaraq Ulu Öndərin xatirəsini ehtiramla yad etmişlər. Sonra tədbir Rayon “Gənclər Evi” ndə öz işinə başlamışdır. Tədbirdə YAP Kürdəmir rayon təşkilatının sədri Ağali Kərimli giriş sözü ilə çıxış etmişdir. O, YAP-ın yarandığı tarixi şəraitdən, keçdiyi şərəfli yoldan, partiyanın yaradıcısı Ulu Öndər Heydər Əliyevin xilaskarlıq missiyasından və partiyamızın cəmiyyətdə aparıcı rolundan danışmış, YAP-ın Sədri, ölkə Prezidenti cənab İlham Əliyevin rəhbərliyi altında qazanılmış uğurlardan bəhs etmişdir. 2013-cü ildə keçirilən Prezident seçkilərindən danışan natiq rayon təşkilatının bütün işləri Prezident seçkilərində qələbə qazanmaq əzmi ilə həyata keçirdiyini, fəal seçki mühiti formalaşdırdığını, yerlərdə səfərbəredici tədbirlər keçirdiyini , hər bir partiya üzvünün fəallığının təmin olunduğunu qeyd etmişdir. O, vurğulamışdır ki, ümumilikdə Prezident seçkisi kampaniyasına 1200 nəfədən çox fəal cəlb edilmiş və onlar bütün seçki kampaniyası dövründə yüksək səviyyədə və səmərəli fəaliyyət göstərmişlər. Rayon təşkilatı partiyamizin namizədi cənab İlham Əliyevin təbliğat-təşviqat kampaniyasını yüksək səviyyətdə keçirməyə səy göstərmiş və buna nail olmuşdur. Bütövlükdə təbliğat-təşviqat kampaniyası dövründə keçirilən tədbirlərdə 18700 nəfər seçici iştirak etmişdir. Rayonumuzda səsvermənin yekunlarına görə Azəbaycan Respublikası Prezidentliyinə Yeni Azərbaycan Partiyasının namizədi cənab İlham Əliyevin yüksək səs–85,2 faiz səs toplaması və parlaq qələbə çalması rayon təşkilatımızın seçki kampaniyasını yüksək səviyyədə və tam səmərəli keçirdiyini sübut edir. Ağali Kərimli xüsusilə qeyd etmişdir ki, 9 oktyabr Prezident seçkiləri bütövlükdə partiyamız üçün çox böyük uğurla başa çatdı, Prezidentliyə Yeni Azərbaycan Partiyasının namizədi cənab İlham Əliyev ölkə üzrə 84,54 faiz səslə parlaq qələbə qazandı. O, möhtəşəm qələbə və Yeni Azərbaycan Partiyasının yaranmasının 21-ci ildönümü münasibətilə tədbir iştirakçılarını təbrik etmiş və uğurlar arzulamışdır. Tədbirdə “21 illik şərəfli yol” mövzusunda rayon təşkilatının şura üzvü,1993-cü ildən YAP üzvü Qasım Hüseynov, “Yeni Azərbaycan Partiyası zəngin irs, güclü lider deməkdir” mövzusunda YAP rayon təşkilatının şura üzvü, Gənclər Birliyinin sədri Namiq Tarverdiyev, “Yeni Azərbaycan Partiyası cəmiyyətin avanqard güc mərkəzidir” mövzusunda YAP rayon təşkilatının idarə heyəti üzvü, Qadınlar Şurasının sədri Elmira Şıxəliyeva, “Yeni Azərbaycan Partiyası qələbələr, uğurlar partiyasıdır” mövzusunda YAP üzvü, Əməkdar Müəllim Rəfail Məmmədov, “Yeni Azərbaycan Partiyası yaşayacaq, inkişaf edəcək, xalqımızı, müstəqil dövlətimizi xoşbəxt gələcəyə aparacaqdır” mövzusunda YAP rayon təşkilatının şura üzvü, Gənclər və İdman İdərəsinin rəisi Zaur Həsənov çıxış etmişlər. Tədbirdə Kürdəmir rayon İcra Hakmiyyətinini Başçısı İrşad Əliyev çıxış edərək bildirmişdir ki, müstəqillimizin ilk vaxtlarında ölkədə yaranan ictimai-siyasi və hərbi durumda Azərbaycanın müstəqilliyini qorumaq, dövlət yaratmaq üçün siyasi partiya lazım idi. Ulu Öndər Heydər Əliyev SSRİ dağılanda situasiyanı, Azərbaycanın düşdüyü vəziyyətdən çıxmağın yolunu çox gözəl bilirdi və qiymətləndirirdi. Belə taleyüklü, mövcudluğumuz sual altında olduğu bir vaxtda siyasi partiyanın yaranması və formalaşması üçün məhz Heydər Əliyev böyüklüyü və dahiliyi lazım idi. Ulu Öndərin rəbərliyi ilə yaranan Yeni Azərbaycan Partiyası qısa müddətdə cəmiyyətdə öz layiqli yerini tutdu, cəmiyyətin aparıcı siyasi qüvvəsinə çevrildi.YAP yaranmaqla Azərbaycan çətinliklərdən keçdi, inkişaf və tərəqqiyə qovuşdu.Bu gün Ümummilli Lider Heydər Əliyev siyasi kursunun layiqli davamçısı, YAP-ın sədri, ölkə Prezidenti cənab İlham Əliyevin rəhbərliyi ilə Azərbaycanda geniş quruculuq işləri gedir, regionlar o cümlədən rayonumuz sürətlə inkişaf edir, abadlaşır. Sonra cənab İrşad Əliyev tədbir iştirakçılarını banisi Ümummilli Liderimiz Heydər Əliyev olan Yeni Azərbaycan Partiyasının yaranmasının 21-ci ildönümü münasibətilə təbrik etmiş və onlara yeni-yeni uğurlar arzulamışdır.
Tədbirdə YAP sıralarına yeni qəbul olunmuş bir qrup gəncə partiya üzvlük vəsiqələri təqdim olunmuşdur.