Kürdəmir rayonunun Şilyan kəndində səyyar qəbul keçirilib.

Aprelin 14-də Kürdəmir Rayon İcra Hakimiyyətinin başçısı Elxan İbrahimov növbəti səyyar qəbulunu rayonun Şilyan kəndində keçirib.
Səyyar qəbulda rayonun hüquq mühafizə, idarə, müəssisə və digər xidmət təşkilatlarının rəhbərləri iştirak ediblər.
Rayon rəhbəri Elxan İbrahimov Azərbaycanda sosial-iqtisadi sahələrdə qazanılan uğurlardan, ölkəmizin beynəlxalq nüfuzunun gündən-günə artmasından, bölgələrimizin sürətli inkişafından, respublikamızın ən ucqar kəndlərinə asfalt yolların çəkilməsindən, təhsil, səhiyyə, mədəniyyət  müəssisələrinin tikilməsindən ətraflı danışaraq  rayonda  həyata  keçirilən yeni layihələr barədə məlumat verib.
Səyyar qəbulda kənd sakinlərinin  enerji və su təchizatı, sosial  müdafiə, təhsil, səhiyyə, su təminatı, torpaq məsələləri ilə əlaqədar  təklifləri və şikayətləri dinlənilib. Səsləndirilən hər bir təklif və şikayətlər barədə aidiyyatı təşkilatların rəhbərinə icra başçısı tərəfindən tapşırıq  verilib. Qaldırılmış  məsələlərin bəziləri elə qəbul zamanı öz həllini tapıb.
Qəbuldan sonra Kürdəmir Rayon İcra Hakimiyyətinin başçısı Elxan İbrahimov Şilyan kəndinin su təsərrüfatının vəziyyəti və torpaq problemləri ilə yerindəcə tanış olub. İcra başçısı sakinlərin istəkləri ilə maraqlanıb və aidiyyatı qurumların rəhbərlərinə öz tapşırıqlarını verib.