Kürdəmirdə 11 min 700 tondan çox kartof istehsal olunub
10 iyun 2021 | 16:00
Kürdəmir rayonunda kartof yığımı başa çatıb və sahələrdən 11 min 750 ton məhsul götürülüb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari ilin məhsulu üçün 897 hektarda kartof yetişdirilib. Əkin sahələri ötən ildəkindən 2 hektar çox olub. Məhsul istehsalı isə 473 ton artıb. Hər hektardan məhsuldarlıq 131 sentnerə çatıb ki, bu da 2020-ci ildəki göstəricidən 5 sentner çoxdur. Rayonun daha çox kartof əkilən Axtaçı, Mehdili, Köhünlü, Carlı, Şilyan, Qarasu və bir sıra digər ərazi nümayəndəliklərində ailə fermer təsərrüfatları və fiziki şəxslər daha yüksək göstəriciyə nail olublar.
Keçidlər
