Şriftin ölçüsü :

Saytın rəngi :

Kürdəmir şəhər sakinlərinin qəbulu keçirilib

13 iyun 2019 | 16:00

Kürdəmir  Rayon  İcra Hakimiyyətinin  Başçısı Ceyhun Cəfərov Kürdəmir  şəhərinin sakinləri  ilə  növbəti səyyar qəbulunu  keçirib.
Qəbulda rayon icra  hakimiyyətinin məsul işçiləri, rayonun idarə, müəssisə və xidmət təşkilatlarının rəhbərləri iştirak ediblər.
Görüşdə  giriş  nitqi  ilə  çıxış  edən  Kürdəmir  rayon   İcra  Hakimiyyətinin  Başçısı Ceyhun Cəfərov bildirib ki, ölkə rəhbəri  bir  başa  problemləri  şəxslərin  özündən  eşidib, vətəndaşları narahat edən məsələlərin operativ həlli istiqamətində lazımi tədbirlərin görülməsini tapşırır.
Qəbulda iştirak edən şəhər sakinləri çıxış edərək ərazi vahidliyində  görülmüş  işlər  və  həyata  keçirilən tədbirlər barədə danışıblar. Şəhər   sakinləri    əhalinin   problemlərinin   həlli   istiqamətində   həyata   keçirilən tədbirlərə,  göstərilən   diqqət  və  qayğıya   görə  ölkə  rəhbəri  cənab  İlham Əliyevə öz minnətdarlıqlarını bildiriblər.
Qəbulda şəhər sakinlərinin Kürdəmir şəhərində tikintisi yarımçıq qalmış kanalizasiya xəttinin çəkilməsi, içməli  su  təchizatı, yol,  təhsil və  digər  məsələlər  ilə  əlaqədar   təklifləri və   şikayətləri  diqqətə çatdırılıb, onların  hər  biri   barədə  aidiyyatı   təşkilatların  rəhbərinə   tapşırıqlar  verilib, qaldırılmış   məsələlərin çoxu elə qəbul zamanı öz həllini tapmışdır.
Sonda Rayon İcra Hakimiyyətinin Başçısı Ceyhun Cəfərov görüşdə qaldırılan təkliflərin tezliklə həyata keçiriləcəyini əminliklə qeyd edərək, cari məsələlərin həlli  üçün  müvafiq  strukturların  rəhbərlərinə  konkret  tapşırıqlarını  verdi.

Keçidlər