Kürdəmir kümçülərinə 825 qutu ipəkqurdu toxumu paylanıb
06 may 2019 | 16:00
Ötən il Kürdəmir rayonunda 20,4 ton barama istehsal olunub. Yetişdirilən məhsulun bəhrəsini görən kümçülər cari ildə daha çox məhsul istehsal etməyi qarşıya məqsəd qoyublar.
Qax Damazlıq İpəkçilik Stansiyasından 825 qutu (15 min 675 qram) ipəkqurdu toxumu gətirilərək baramaçılıqla məşğul olmaq istəyən 210 ailəyə paylanılıb. Cari mövsümdə 33 tondan artıq barama istehsalı nəzərdə tutulub.
Qeyd edək ki, bir neçə ildir Kürdəmir rayonunda ənənəvi təsərrüfat sahələrindən olan baramaçılığın bərpasına başlanılıb. 2016-cı ildə rayonda 3,6 ton, 2017-ci ildə 11,5 ton barama istehsal olunub. İpəkqurdunun yem bazasının bərpası məqsədilə 2016-2018-ci illərdə rayon ərazisində 240 min ədəd tut tingi əkilib.
Keçidlər
