Kürdəmirdə Ümummilli Lider Heydər Əliyevin anadan olmasının 94-cü ildönümü münasibətilə tədbir keçirilib

     Mayın 3-də Yeni Azərbaycan Partiyasının Kürdəmir rayon təşkilatının qərargahında  Kürdəmir rayon İcra Hakimiyyətinin və YAP Kürdəmir rayon təşkilatı Qadınlar Şurasının birgə təşkilatçılığı ilə Ümummilli Lider Heydər Əliyevin anadan olmasının 94-cü  ildönümü münasibətilə “Heydər Əliyev və milli –mənəvi dəyərlərimiz”  mövzusunda dəyirmi masa keçirilib.
     Öncə dəyirmi masa iştirakçıları rayon təşkilatının qərargahında yerləşən Ulu Öndər Heydər Əliyevin büstü önünə gül-çiçək dəstələri düzüblər.
      Dəyirmi masada  YAP Kürdəmir rayon təşkilatının sədri Ağali Kərimli, rayon İcra Hakmiyyəti  Başçısının  müavini Vəsilə Əsgərli, Qadınlar Şurasının üzvləri, fəal qadınlar iştirak ediblər.
     YAP Kürdəmir rayon təşkilatının   akt   zalında  keçirilən tədbirdə  Ulu Öndər Heydər Əliyevin əziz xatirəsi və Azərbaycan Respublikasının ərazi bütövlüyü uğrunda gedən döyüşlərdə həlak olan şəhidlərimizin xatirəsi bir dəqiqəlik sükutla yad edilib.
       Tədbiri giriş sözü ilə YAP rayon təşkilatı  Qadınlar Şurasının sədri Sevda Hacıyeva  açaraq  məruzə ilə çıxış etmişdir. Sevda Hacıyeva   məruzəsində qeyd etmişdir ki, Azərbaycan dövləti qədim olmaqla çox keşməkeşli və mübarizələrlə dolu tarixi yol keçərək bu günümüzə gəlib çıxmışdır. Tarixin hansı dönəmi olursa - olsun həmişə bu sınaqlardan xalqımız şərəf və ləyaqətlə çıxmışdır. Azərbaycan xalqının böyük dövlətçilik ənənəsi, zəngin mədəniyyəti, milli-mənəvi, əxlaqi dəyərləri var. Azərbaycan xalqı soykökünə söykənə bilən xalq olmaqla onun tarixi mədəniyyəti, dastanları, nağılları, laylaları olan bir xalqdır. Bunları nəsildən –nəsilə, əsrdən-əsrə keçirən ləyaqətli,ismətli analarımız və  mərd ərənlərimiz olmuşlar. Heydər Əliyev Allahın Azərbaycana böyük töhfəsi və xalqının xilaskarıdır. Sonra Sevda Hacıyeva  məruzəsində Ulu Öndərin Azərbaycan qadınlarına hər iki hakimiyyəti dövründə qayğısından danışdı. Sevda Hacıyeva bildirib ki, Ümummilli Lider  Heydər Əliyev  müasir Azərbaycan  dövlətinin  memarı  və qurucusudur, Azərbaycan  xalqının  son  min illik  tarixi  ərzində  yetirdiyi ən  böyük tarixi şəxsiyyətlərdən  biridir.
     Kürdəmir Rayon İcra Hakimiyyəti Başçısının müavini Vəsilə Əsgərli çıxış edərək Azərbaycanın bugünkü  və gələcək  nəsillərinin Heydər Əliyevin  şərəfli adı və ölməz  ruhu qarşısında müqəddəs borcu onun qurub-yaratdığı müasir  Azərbaycan  dövlətinin daha da çiçəklənməsi və qüdrətlənməsi, xalqımızın  rifahı  naminə  fədakarlıqla  çalışmaq, milli birliyimizə sədaqətlə  xidmət göstərməkdir. Natiq bildirmişdir ki, hal-hazırda Azərbaycan qadını ölkəmizin ictimai həyatında fəal iştirak etməklə hətta onu müxtəlif  xarici qurumlarda belə təmsil edir.
    Çıxışçılardan “Heydər Əliyevin həyat və fəaliyyəti ” mövzusunda  Şəhər 6 saylı tam orta məktəbin  direktoru , YAP rayon təşkilatının idarə heyəti üzvü  Elmira Şıxəliyeva ,  “Azərbaycan musiqisi və mədəniyyətinin inkişafına Heydər Əliyev qayğısı” mövzusunda Uşaq –İncəsənət Məktəbinin direktoru   Qəndaf  Zülfüqarova, “ Milli kitabxananın yaradılması, qorunması və inkişaf etdirilməsi Ulu Öndərin xalqımıza  böyük xidmətidir” mövzusunda   Mərkəzi Kitabxanalar  Sisteminin   direktor müavini İradə Mahmudova, “Ulu Öndərin “Azərbaycan Respublikasının uşaq hüquqlarının qəbul edilməsi”  qanunu uşaqların hüquqlarının xaricdə və ölkə daxilində qorunmasıdır”   mövzusunda Uşaq Yaradıcılıq  Mərkəzinin direktoru Nəsibə Hidayətova məruzə etmişlər. Çıxışçılar  Ulu Öndər  Heydər Əliyev haqqında, onun həyatı və siyasi  fəaliyyəti, haqqında danışmış,  Azərbaycan qadınlarının qəlbində öz əbədi heykəlini qurmuş bu nəcib və alicənab insanın danılmaz xidmətlərindən söhbət açmışlar.Onlar vurğulayıblar ki, bu gün xalqımız Ümummilli Lider Heydər Əliyevin siyasi varisi¬¬ – müasir dünya siyasətini və iqtisadiyyatını  gözəl bilən, ernerjili  və təşəbbüskar şəxsiyyət  kimi dünya siyasətində özünəməxsus yer tutan Azərbaycan  Respublikasının Prezidenti cənab İlham Əliyevin ətrafında sıx  birləşmişdir.
    Sonda  YAP Kürdəmir rayon təşkilatının sədri Ağali Kərimli  dəyirmi masa  iştirakçılarını və onların simasında bütün rayon sakinlərini  əlamətdar gün – dahi şəxsiyyət Azərbaycan xalqının Ümummilli Lideri Heydər Əliyevin   anadan olmasının 94-cü ildönümü münasibətilə təbrik edərək  bildirir ki,  Azərbaycan xalqının Ümummilli Lideri Heydər Əliyevin  adı xalqımızın tarixinə qızıl  hərflərlə  yazılıb. Bu günlər biz bu əvəzolunmaz  insanın – dahi  şəxsiyyətin anadan olmasının 94-cü ildönümünü  qeyd edirik. Bir daha ötən  dövrlərə  nəzər salarkən Heydər Əliyev fenomeninin, böyüklüyünün, onun Azərbaycan dövləti  və xalqı qarşısında misilsiz xidmətlərinin dəyərini daha dərindən  dərk etməyə başlayırıq. Bu şəraitə, bu inkişafa görə  Ulu Öndər siyasətinə  və ölkə Prezidenti cənab İlham Əliyevə minnətdarıq.