Topalhəsənli kəndində səyyar qəbul keçirilib

Oktyabrın 31-də rayonun Topalhəsənli kəndində Kürdəmir Rayon İcra Hakimiyyətinin Başçısı Ceyhun Cəfərovun növbəti səyyar qəbul-görüşü keçirilib.
Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, Topalhəsənli kənd inzibati ərazi dairəsinə daxil olan Topalhəsənli, Şahsevən və Qaraqocalı kənd sakinləri iştirak ediblər.
Qəbulda giriş nitqi ilə çıxış edən Rayon İcra Hakimiyyətinin Başçısı Ceyhun Cəfərov  belə  görüşlərin  ölkə Prezidenti cənab İlham Əliyevin tapşırığı ilə rayonda mütəmadi olaraq keçirildiyini, vətəndaşların müraciətlərinə həssas münasibət göstərmək barədə tapşırıqların daim diqqət mərkəzində saxlanıldığını bildirdi. Son illər respublikamızda və rayonumuzda görülmüş işlər barədə geniş məlumat verən Ceyhun Cəfərov rayon  ərazisində  həyata  keçirilən layihələrdən danışdı.Qeyd  etdi  ki,  Kürdəmir rayonunda  “Asan  Xidmət”  mərkəzi,  563  məcburi  köçkün  ailəsi  üçün  yeni  yaşayış  kompleksi, “Azərxalça” ASC-nin  Kürdəmir  filialı  üçün  bina  və digər  sosial  obyektlər  tikilir, kənd yolları yenidən qurulur.Rayon rəhbəri vurğuladı ki, bu layihələrin icrası nəticəsində yeni iş yerləri açılır ki, bu da rayon sakinlərinin  məşğulluğunun artırılmasına xidmət edəcəkdir.
Kənd  sakinləri  istismar müddətini başa vurmuş naqil və dirəklərin dəyişdirilməsini, kəndarası  yolların təmirini,   içməli su təminatı, kəndin  zinə suyunu axıdan kanalın lildən təmizlənməsi,  sosial   müdafiə,  məşğulluq   məsələləri  ilə  bağlı  rəy  və təkliflərini veriblər. Daha sonra ayrı-ayrı sakinlər şəxsi xahişləri ilə müraciət etdilər.
Qaldırılan məsələlər barədə əlaqədar qurumlara aidiyyəti tapşırıqlar verilib.
Kənd sakinləri əhalinin problemlərinin həlli istiqamətində həyata keçirilən tədbirlərə, göstərilən diqqət və qayğıya görə ölkə rəhbərinə öz minnətdarlıqlarını bildiriblər.
Rayon İcra Hakimiyyətinin Başçısı Ceyhun Cəfərov  görüşdə  qaldırılan  təkliflərin tezliklə  həyata  keçiriləcəyini  əminliklə  qeyd  edərək, cari  məsələlərin  həlli üçün  müvafiq  strukturların  rəhbərlərinə  konkret  tapşırıqlarını verdi.